Exodus 09
08Dou zee de HEER tegen Mozes en Aäron: "Krieg joe aalbaaide n poar voestenvol aask oet ovent en loat Mozes dat omhoog gooien, doar farao bie staait.
09Dij aask zel as fien stof over hail Egypte hèn stoeven, en mensk en daaier zellen der dikke swèllen van kriegen mit grode bloaren."
10 Zai kregen zok dou wat aask tou ovent oet en gingen der mit noar farao tou. Mozes gooide aask omhoog en dou kregen mensk en daaier der aalmoal swèllen van, dij openborstten as etterboelen.
11 t Wer zo slim, dat alderdeegs farao zien teuvenoars t nait laanger haarden konden van dij swèllen, net as aal aandere Egyptenoars.
12 Mor de HEER muik farao weer stiefkoppeg: hai wol ook ditmoal nait noar heur lustern, net as de HEER al tegen Mozes zegd haar.
|